Skip to content

Rajaban di Asbek

15 Juni 2011

Wengi tadi, kaping 14 Juni 2011, di musholla Nurul Iman, gang Asbek, RT 01 RW 02 Cilibende kel.Babakan, kec. Bogor Tengah, kota Bogor diayakeun acara pengeling-ngeling Isra Mi`raj Nabiyyuna Sayyidina Muhammad SAW.

Acara-acara nu dilaksanakeun nyaeta marhaba, ngaos Al-Quran sareng ceramah agama.
Marhaba atanapi pangaosan sholawat dipimpin ku bp ust Eman, sesepuh di Asbek. Teras ngaos Al-Quran ku santri Pesantren Al-Hasaniyah Babakan.
Ceramah Agama didugikeun ku dua da`i. Nu kahiji ust.Dedi, putrana ust.Eman. Nu kadua didugikeun ku pangersa al-mukarrom al-habib Novel.
Dina awal ceramahna, pangersa habib ngemutan pentingna hormat ka para `ulama sareung sepuh. Diantawis tandana ngahormat nyaeta cium tangan, salim, ka sepuh sareng ka para `ulama, habaib, ustadz, kalayan cium tangan nu bener. Ulah jiga budak ayeuna, nu awewe sok cium tangan ka kabogohna nu lalaki, padahal halal ge heunteu, dosa nu puguh mah, malah ka kolot sorangan gengsi cium tangan teh.
Saterasna pangersa habib ngemutan kana ciri-ciri akhir zaman, diantawisna sesahna jalmi ngumpul dina majlis ilmu, dicabutna ilmu ku maotna para `ulama, sareng tambih jelas jeung wanina maksiat dilakukeun ku jalmi-jalmi nu padahal dina ktp na mah Islam.
Salajeungna pangersa habib nyinggung kana kabiasaan warga dina perkawis bank keliling. Umpana ngahutang sajuta, diberena 900 dibayarna kudu sajuta satengah. Pangersa habib ngemutan yen praktek nu kitu teh kalebet riba, riba teh haram, sedengkeun saukur daging nu jadi tina nu haram, maka naraka leuwih pantes piken eta daging. Sakumaha dawuhan kangjeung Rosul:

كل لحم نبت من الحرام فالنار أولى به

Atuh lamun loba teuing nu haram asup kana daging/awak urang, matak nyieun hate jadi teuas. Lamun hate teuas, hese dinasehatanana.
Terakhir, pangersa habib teu hilap ngemutan perkawis pentingna Sholat fardhu, nu diwajibkeun dina waktu kangjeung nabi di mi`rajkeun. Shalat teh jadi tanda nu bisa ngabedakeun mana jalma islam mana nu kufur. Atuh lamun jalma ngakuan agama islam tapi hese sholatna malah seringna mah tara, maka eta geus kaasup golongan kufur kana ni`mat Allah SWT. Lamun hayang jembar rizki, barokah usahana, diijabah do`ana, ditarima amal-amalna, maka laksanakeun sholat fardhu kalayan sabener-benerna. Sabab pangheulana amal nu bakal ditanya di poe qiyamah nyaeta Sholat.
Rupina sakitu uraian hikmah mieling Isra Mi`raj Nabi Muhammad SAW nu katengkeup ku sim kuring ti pangersa Habib. Pamugi aya manfaatna. Wallahu A`lam Bishshowab.

From → Agama, Sunda

Tinggalkan sebuah Komentar

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: